नवी दिल्ली / वृत्तसंस्था
राजद प्रमुख लालूप्रसाद यादव आणि बिहारचे मुख्यमंत्री नितीशकुमार रविवारी काँग्रेस हायकमांड सोनिया गांधी यांची भेट घेणार आहेत. लालूंनी शनिवारी भाजपवर जोरदार टीका करतानाच विरोधकांना एकत्र करण्याचा आमचा प्रयत्न असेल, असे स्पष्ट केले. नवी दिल्लीत दाखल झालेल्या लालू यादव यांना 2024 साली पंतप्रधान नरेंद्र मोदी यांना सत्तेवरून हटवणार का? अशी विचारणा केली असता त्यांनी, “होय, आम्ही त्यांना उखडून टाकू. मला हे किती वेळा सांगावे लागेल?’’ असे ते म्हणाले. दुसरीकडे गृहमंत्री अमित शहा यांनीही बिहारमधील भाजप आमदार-खासदारांची बैठक घेतली. यादरम्यान, ‘बिहारचा मुख्यमंत्री कोण?’ या प्रश्नावर त्यांनी सध्या पक्षाची नजर 2024 मध्ये होणाऱया लोकसभा निवडणुकीकडे असल्याचे सांगितले.
2024 साठी विरोधी गट मजबूत करणार
लालूप्रसाद यादव यांचा भाजपवर निशाणा
विरोधकांच्या एकजुटीसाठी सोनियांची भेट