Charls Shobharaj : नेपाळच्या (Nepal) सर्वोच्च न्यायालयाने फ्रेंच सीरियल किलर चार्ल्स शोभराज () याला त्याच्या वाढत्या वयाचा विचार करून १९ वर्षांच्या तुरुंगवासानंतर सोडण्याचे आदेश दिले आहेत. दोन अमेरिकन पर्यटकांची हत्या केल्याच्या आरोपाखाली चार्ल्स 2003 पासून नेपाळच्या तुरुंगात आहे. या संबंधीची माहिती एएनआय (ANI) वृत्तसंस्थेने दिली आहे.
भारतीय आणि व्हिएतनामी वंशाचा फ्रेंच नागरिक चार्ल्स शोभराज हा कुख्यात सिरीयल किलर असून तो सध्या नेपाळमध्ये आपली शिक्षा भोगत आहे. 1975 ला नेपाळमध्ये बनावट पासपोर्ट वापरून प्रवेश करून 2 बॅकपॅकर्स, अमेरिकन नागरिक कोनी जो बोरोन्झिच, आणि त्याची प्रेयसी कॅनेडियन लॉरेंट कॅरीरे, यांची हत्या केल्याचा आरोप ठेवण्यात आला होता.
या घटनेनंतर एका वृत्तपत्राने त्याचे छायाचित्र प्रकाशित केल्यानंतर 1 सप्टेंबर 2003 रोजी तो नेपाळमधील एका कॅसिनोबाहेर दिसला. त्यानंतर त्याला लगेच अटक करून काठमांडू आणि भक्तपूर येथील जोडप्याची हत्या केल्याच्या आरोपावरून दोन स्वतंत्र खुनाचे गुन्हे दाखल केले. चार्ल्स शोभराज हा काठमांडूच्या मध्यवर्ती कारागृहात 21 वर्षांपसून तुरुंगवासात आहे. परदेशी नागरिकांच्या हत्येसाठी 20 वर्षे आणि बनावट पासपोर्ट वापरल्याबद्दल एक वर्ष आणि 2,000 रुपये दंड अशी शिक्षा झाली होती.
Previous Articleघाईगडबडीत जेवत असाल तर सावधान! ‘या’ आजारांना द्याल निमंत्रण
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.