तीन वाहनामध्ये झाला अपघात : वाहनांच्या दर्शनी भागांचा चक्काचुर
प्रतिनिधी /पणजी
गोवा वेल्हा बायपास रस्त्यावर शुक्रवारी सकाळी तीन वाहनामध्ये झालेल्या भिषण अपघातात एक जागीच ठार झाला आहे. अपघात इतका भयानक होता की वाहानांच्या दर्शनी भागांचा चक्काचुर झाला आहे. याबाबत आगशी पोलिसांना माहिती मिळताच त्यांनी घटनास्थळी धाव घेतली. अपघाताचा पंचनामा करून जखमींना गोमेकॉत दाखल केले.
पोलासंनी दिलेल्या माहितीनुसार अरफान खान (न्यु वाडा वास्को) असे अपघातात जागीच ठार झालेल्या चालकाचे नाव आहे. माल वाहक गाडीला ठोकर दिलेल्या वाहनातील चालक व क्लिनर हे किरकोळ जखमी झाले असून प्राथमिक उपचारानंतर त्यांना घरी पाठविण्यात आले. माल वाहक जीप, स्विफ्ट कार व विंगर कार यांच्यात हा अपघात झाला आहे. स्विफ्ट कार पणजीहून वास्कोच्या दिशेने जात होती गोवा वेल्हा येथे उड्डाणपूल संपल्यानंतर बगल रस्त्याच्याठिकाणी स्वीफ्ट कार चालकाचा गाडीवरील ताबा सुटला आणि कार दुभाजकावर चढून पणजीकडे येणाऱया रस्त्यावर गेली त्याचवेळी समोरून येणाऱया मालवाहक जीपला जोरदार धडक दिली. कालचालक जागीच ठार झाला. आगशी पोलिसांनी घटनेची नोंद केली असून पोलीस पुढील तपास करीत आहेत.