ऑनलाईन टीम/तरुण भारत
पाकिस्तानचे माजी पंतप्रधान आणि पाकिस्तान तहरीक-ए-इन्साफ (पीटीआय) चे अध्यक्ष इम्रान खान (Pakistan Former PM Imran Khan) यांच्यावर रॅलीत गोळीबार झाल्याची माहिती समोर आली आहे. यामध्ये इम्रान खान यांच्या पायाला गोळी लागल्याची प्राथमिक माहिती समोर येत आहे. तसेच या गोळीबारात एकाच मृत्यू झाला आहे. तर गोळीबारानंतर एका हल्लेखोराला पकडण्यात आलं आहे. वजीराबाद येथील जफर अली खान चौकाजवळ हा गोळीबार झाल्याची माहिती पाकिस्तानी मीडियाने दिली आहे.
दरम्यान, पाकिस्तानचे माजी पंतप्रधान इमरान खान यांच्या रॅलीत गोळीबार करण्यात आला असून ते यात जखमी झाले आहेत. ही घटना जफर अली खान चौकात घडली. या गोळीबारात इमरान खान यांच्या पायाला गोळी लागल्याची प्राथमिक माहिती समोर आली आहे. त्यांना रुग्णालयात दाखल करण्यात आलं आहे. याशिवाय आणखी चौघेजण या गोळीबारात जखमी झाले आहेत. तर पोलिसांनी याप्रकरणी एकाला ताब्यात घेतलं आहे.
गुजराँवाला येथील रॅलीत इम्रान खान सहभागी झाले होते. रॅलीत अचानक हल्लेखोर घुसला आणि त्याने जवळपास सहा ते सात राऊंड फायर केले. यामुळे पाचजण जखमी झाले आहेत. तर, इम्रान खान यांच्या पायालाही गोळी लागली आहे. पायाला गोळी लागल्याने त्यांना रुग्णालयात दाखल करण्यात आलं आहे.