ऑनलाईन टीम / तरुण भारत :
जम्मू-काश्मीरमध्ये आज सकाळी प्रवाशांनी भरलेली बस उलटली. या अपघातात 25 प्रवाशी जखमी झाले असून, त्यांना उधमपूर येथील जिल्हा रुग्णालयात दाखल करण्यात आले आहे. तर सहा जणांची प्रकृती गंभीर असून, त्यांना जम्मूतील सरकारी रुग्णालयात पाठवण्यात आलं आहे.
अपघातग्रस्त बस जम्मूहून डोडा जिल्ह्यात येत होती. दरम्यान, उधमपूरच्या बत्तल बालियान भागात आल्यावर ही बस उलटली. या भीषण अपघातात बसमधील 25 प्रवाशी जखमी झाले असून, 6 जणांची प्रकृती गंभीर आहे. त्यांच्यावर रुग्णालयात उपचार सुरू आहेत. हा अपघात नेमका कशामुळे झाला हे अद्याप समजू शकलेलं नाही. बस चालकाला झोपेमुळे बस कंट्रोल करता आली नसावी, त्यामुळे हा अपघात झाल्याचा प्राथमिक अंदाज पोलिसांनी वर्तवला असून, पोलीस अधिक तपास करत आहेत.