येळ्ळूर : गणेशोत्सव साजरा करण्यासंदर्भात पोलिसांनी येळ्ळूर येथील गणेशोत्सव मंडळाची बैठक बोलावली होती. श्री चांगळेश्वरी मंदिरामध्ये बैठक पार पडली. या ग्रामपंचायत अध्यक्ष सतीश पाटील यांच्या अध्यक्षतेखाली ही बैठक संपन्न झाली. बेळगाव ग्रामीण पोलीस स्थानकातील पोलीस निरीक्षक श्रीनिवास हंडा यांनी गणेशोत्सव साजरा करताना प्रत्येकाने काटेकोर नियम पाळावे, नियमांचे उल्लंघन होऊ नये याकडे लक्ष द्यावे, डीजे तसेच स्पीकर चा आवाज न्यायालयाने दिलेल्या नियमानुसार पाळावे अशी सूचना केली. गणेशोत्सव साजरा करताना प्रदूषण होऊ नये इतर समाजाला किंवा ज्येष्ठ नागरिकांना त्रास होऊ नये याची प्रत्येकाने दखल घ्यावी. डीजे वर बंदी घालण्यात आली आहे. मिरवणूक काढताना देखील फटाके उडवू नये वेळेत गणपती पूजाअर्चा करावी. विसर्जन देखील वेळेत करावे. अशी सूचना देखील त्यांनी केली. जी मंडळ नियमांचे उल्लंघन करतील त्यांच्यावर कायदेशीर कारवाई केली जाईल. असा इशाराही यावेळी देण्यात आला. पोलीस निरीक्षक लखाप्पा जोडहट्टी यांनी नियमांचे वाचन केले. गणेशोत्सव मंडळे व गणेशोत्सव मंडळांनी सर्व नियम पाळावे असे त्यांनी सांगितले. मंदिरामध्ये गणेशोत्सवाची प्रतिष्ठापना करता येणार नाही असे देखील त्यांनी यावेळी सांगितले. या बैठकीला ए एस आय गांटाम, बीट हवालदार श्रीकांत उप्पार, हवालदार उदयकुमार पुजार, विठ्ठल नायक, सत्ताप्पा हंचीनमनी, एमबी कोटभागी शिवराज पंच्चान्नावर, बाळेश पन्हाळा आदी पोलीस उपस्थित होते. बैठकीला ग्रामपंचायत सदस्य दयानंद उगाडे, राकेश परीट, परशुराम परीट माजी ग्रामपंचायत सदस्य सतीश कुकजी, राजू पावल, तानाजी हलगेकर, रमेश मेणसे यांच्यासह गणेशोत्सव मंडळाचे पदाधिकारी उपस्थित होते. धामणे, देसुर, अवचारहट्टी येथील गणेश मंडळाचे पदाधिकारी या बैठकीला उपस्थित होते.
Trending
- माजी केंद्रीय गृहमंत्र्यांच्या सूनबाई उद्या भाजपा प्रवेश? शिवराज पाटील- चाकुरकरांच्या सूनबाई डॉ. अर्चनाताई पाटील भाजपमध्ये जाणार असल्याच्या चर्चा
- शाहू महाराजांचा सन्मानच राखायचा होता तर त्यांना राज्यसभेवर का पाठवलं नाही ? संजय मंडलिकांचा महाविकास आघाडीला सवाल
- कुख्यात गँगस्टर मुख्तार अन्सारीचा तुरुंगात मृत्यू, उत्तरप्रदेश पोलीस अलर्ट मोडवर!
- बेकायदेशीर कत्तलखान्यावर छापा; ५० पेक्षा जास्त जनावरांची सुटका
- अवैध दारू विक्रेत्याला सीसीबी पोलिसांनी केली अटक
- कणकुंबी तपासणी नाक्यावर 7 लाख 98 हजार रोख रक्कम जप्त
- हरमलात पावणे दोन कोटीचे ‘मॅजिक मशरुम्स’ जप्त
- चारही जणांची दहा तास चौकशी