क्रीडा प्रतिनिधी /मडगाव
अंतिम लढतीत बस्तोडाच्या होली क्रॉस हायस्कूलचा कडव्या लढतीनंतर 3-2 असा पराभव करून पिलारच्या फादर आग्नेल हायस्कूलने क्रीडा व युवा व्यवहार खात्याने आयोजित केलेल्या मुलांच्या राज्य सब-ज्युनियर हॉकी स्पर्धेचे जेतेपद मिळविले.
या जेतेपदाने आता फादर आग्नेल हायस्कूल दिल्लीत होणाऱया राष्ट्रीय सब-ज्युनियर नेहरु चषक हॉकी स्पर्धेत गोव्याचे प्रतिनिधीत्व करणार आहे. पेडे येथील हॉकी टर्फ मैदानावर खेळविण्यात आलेल्या अंतिम लढतीत फादर आग्नेल हायस्कूलसाठी अनिल लास्साने दोन तर तन्मयने एक गोल केला. पराभूत होली क्रॉस हायस्कूलसाठी कॅरन व यशने प्रत्येकी एक गोल नोंदविला.