48 एमपी कॅमेऱ्यासह अन्य सुविधा स्मार्टफोनसोबत मिळणार
प्रतिनिधी/ नवी दिल्ली
स्मार्टफोन ब्रँड पोको यांनी आपला मध्यम श्रेणीचा पोको एक्स 5 हा 5 जी स्मार्टफोन सादर केला आहे. याची सुरुवातीची किमत ही 19 हजार रुपये राहणार असल्याची माहिती आहे. यामध्ये 48 मेगापिक्सलचा कॅमेरा व 120 एचझेड सुपर अमोलेड डिस्प्ले आदी सुविधा असणार असल्याची माहिती आहे.
सदरचा स्मार्टफोन हा 5 जी ब्रँडला सपोर्ट करणार असून रिलायन्स जिओ व एअरटेल या दोन्ही टेलिकॉम ऑपरेटरद्वारे ऑफर केलेल्या 5 जी सेवांचा वापर यावर करता येईल. हा स्मार्टफोन सुपरनोव्हा ग्रीन, जॅग्वार ब्लॅक व वाइल्डकॅट ब्लू आदी रंगामध्ये उपलब्ध होणार असल्याचेही सांगितले आहे.
किंमत
कंपनीने पोको एक्स5 हा 5जी स्वरुपामध्ये दोन प्रकारात भारतीय बाजारात दाखल होणार आहे. त्याच्या किमती या 6 जीबी रॅम व 128 जीबी रॅम यामध्ये हा फोन 18,999 रुपयांना असेल.
पोको एक्स 5 बाबत…
प्रोसेसर : पोको एक्स5 क्वालकॉम स्नॅपड्रॅगन 695 एसओसी प्रोसेसर
स्टोरेज व रॅम : हॅण्डसेट 6 जीबी व 8 जीबी एलपीडीडीआर4 एक्स रॅम
तंत्रज्ञान : 5 जी व्हर्च्युअल रॅम तंत्रज्ञानामुळे सुसज्ज
डिस्प्ले : 6.67 इंचाचा फुल्ल एचडी डिस्प्ले असेल
कॅमेरा व बॅटरी : फोनच्या मागील बाजूला ट्रिपल कॅमेरा सेटअप व 33 डब्ल्यू फास्ट चार्जिंग सपोर्टसोबत 5000 एमएएच क्षमतेची बॅटरी मिळणार