रिअल इस्टेट व्यावसायिक राजू दोड्डबोम्मण्णावर (वय 41) मूळचा राहणार हलगा-बस्तवाड, सध्या राहणार भवानीनगर यांच्या खून प्रकरणातील फरारी आरोपीवर मंगळवारी पहाटे पोलिसांनी गोळीबार केला आहे. पोलिसांवर हल्ला करून पळून जाण्याच्या प्रयlनात असताना त्याच्यावर सर्व्हिस रिव्हॉव्हरने गोळीबार करण्यात आला आहे.
विशालसिंग विजयसिंग चव्हाण (वय 25) मूळचा राहणार चिक्कनंदिहळ्ळी, ता. कित्तूर, सध्या राहणार शास्त्रीनगर, दुसरा क्रॉस हा गोळीबारात जखमी झाला आहे. गुन्हे तपास विभागाचे एसीपी एन. व्ही. बरमणी यांनी विशालवर दोन गोळय़ा झाडल्या असून त्याच्या डाव्या पायाला इजा पोहोचली आहे.
पळून जाण्याच्या प्रयlनात असताना विशालसिंगने यासीन नदाफ ( वय 29 ) या क्राईम ब्रँचच्या पोलिसावर चाकूने हल्ला केला. या हल्ल्यात पोलीस जखमी झाला आहे. विशालसिंग व यासीन या दोघा जणांना सिव्हिल हॉस्पिटलमध्ये दाखल करण्यात आले आहे. मंगळवारी पहाटे 4 वाजण्याच्या सुमारास वीरभद्रनगर सर्कलजवळ हा थरार घडला आहे.