प्रतिनिधी/ बेळगाव
बकरी-ईदच्या पार्श्वभूमिवर पोलिसांनी शनिवारी सायंकाळी भरपावसात पथसंचलन केले. कायदा व सुव्यवस्था परिस्थिती राखण्यासाठी शहरात बंदोबस्तही ठेवण्यात आला आहे.
शनिवारी सायंकाळी लाल बहाद्दुर शास्त्राr चौकापासून पथसंचलनाला सुरुवात झाली. खडक गल्ली, काकतीवेस, शनिवारखूट, खंजर गल्ली, दरबार गल्ली, खडेबाजार, टेंगीनकेरा गल्ली, भेंडीबाजार, आझाद गल्ली मार्गे पिंपळकट्टय़ापर्यंत जाऊन पथसंचलनाची सांगता करण्यात आली.
कायदा व सुव्यवस्था विभागाचे पोलीस उपायुक्त रविंद्र गडादी, मार्केटचे एसीपी सदाशिव कट्टीमनी, खडेबाजारचे एसीपी ए. चंद्राप्पा, पोलीस निरीक्षक दिलीप निंबाळकर, बी. आर. गड्डेकर, निंगनगौडा पाटील, मल्लिकार्जुन तुळसीगेरी यांच्यासह अनेक अधिकारी या पथसंचलनात सहभागी झाले होते. पावसामुळे रेनकोट घालून पोलिसांनी पथसंचलनात भाग घेतला.