ऑनलाईन टीम/तरुण भारत
आजरा (कोल्हापूर) : राज्यात सुरु असलेल्या सत्ता संघर्षाचे पडसाद आज-यात आज उमटले. तालुका प्रमुख युवराज पोवार यांच्या नेतृत्वाखाली आबिटकर यांच्या कार्यालयावर मोर्चा काढण्यात आला . यावेळी बंडखोर आमदारांच्या निषेधाच्या घोषणा देण्यात आल्या. तर फलकावर असलेल्या आबिटकर यांच्या फोटोला काळे फासण्यात आले. गद्दारी केलेल्या आमदारांनी पुन्हा निवडूण येऊन दाखवावे असे खुले आव्हानही यावेळी शिवसैनिकांनी दिले. मुस्लिम कधीच गद्दारी करीत नाहीत. त्यामुळे अब्दुल सत्तार हा मुसलमान असूच शकत नाही असा टोला शिवसेना पदाधिकारी समीर चाँद यांनी लगावला.