गांधीनगर
गुजरातमध्ये विधानसभा निवडणुकीचे रणकंदन सुरु आहे. विधानसभा निवडणुकीसाठी पहिल्या टप्प्यातील मतदान झाले आहे. सोमवार, 5 डिसेंबर रोजी दुसऱया टप्प्यातील मतदान पार पडणार आहे. त्यापूर्वी पंतप्रधान नरेंद्र मोदी यांनी आपल्या आईची भेट घेतली आहे. दुपारी गांधीनगर येथील निवासस्थानी पंतप्रधान मोदी यांनी हिराबेन मोदी यांची भेट घेतली.
उद्या पंतप्रधान नरेंद्र मोदी गुजरात विधासनभेसाठी अहमदाबाद येथे मतदान करणार आहे. त्याआधी पंतप्रधान मोदी यांनी आई हिराबेन मोदी यांची भेट घेतली. पंतप्रधानांनी आईबरोबर चहा पीत गप्पाही मारल्या. त्यानंतर आईचे आशीर्वाद घेत पंतप्रधान आपल्या पुढील नियोजित कार्यक्रमासाठी रवाना झाले.