1,598 कोटी रुपयांमध्ये व्यवहार
नवी दिल्ली
सार्वजनिक क्षेत्रातील आयुर्विमा महामंडळ (एलआयसी)ने गेल्या वर्षी डिसेंबरपासून आतापर्यंत सार्वजनिक क्षेत्रातील भारत पेट्रोलियम कॉर्पोरेशन लिमिटेड (बीपीसीएल)ने दोन टक्क्यांहून अधिक हिस्सा विकत घेतला आहे. या व्यवहारासाठी अंदाजे 1,598 कोटी रुपये मोजले असल्याचे सांगण्यात येते.
एलआयसीने शेअर बाजाराला पाठवलेल्या अधिसूचनेत म्हटले आहे की, बीपीसीएलमधील त्यांची हिस्सेदारी 15,25,08,269 वरून 19,61,15,164 समभागांवर पोहोचली आहे. एलआयसीचा कंपनीतील हिस्सा 7.03 टक्क्यांवरून 9.04 टक्के झाला आहे.
सिक्युरिटीज अँड एक्स्चेंज बोर्ड ऑफ इंडियाच्या नियमांनुसार, सूचीबद्ध कंपन्यांना दोन टक्क्यांपेक्षा जास्त शेअरहोल्डिंगचा खुलासा करावा लागतो.
बीपीसीएलचे बाजार भांडवल 67,301 कोटी
28 डिसेंबर 2021 ते 26 सप्टेंबर 2022 या कालावधीत बीपीसीएलमधील त्यांचा हिस्सा दोन टक्क्यांहून अधिक वाढल्याचे एलआयसीने म्हटले आहे.