वृत्तसंस्था / काठमांडू
मधेशी नेते रामसहाय प्रसाद यादव यांची नेपाळचे नवे उपराष्ट्रपती म्हणून निवड झाली आहे. नेपाळच्या निवडणूक आयोगाने यासंबंधी घोषणा केली आहे. जनता समाज पक्षाचे रामसहाय प्रसाद यादव, सीपीएन-युएमएलच्या अष्टलक्ष्मी शाक्य, जनमत पक्षाच्या प्रमिला यादव आणि ममता झा यांनी उपराष्ट्रपती पदाची निवडणूक लढविली होती.
रामसहाय यादव यांना नेपाळी काँग्रेसचे तीन प्रमुख सहकारी पक्ष सीपीएन-माओवादी सेंटर आणि सीपीएन-युनिफाइड सोशलिस्ट समवेत 7 पक्षांचे समर्थन प्राप्त होते. याचमुळे सहाय यांचा उपराष्ट्रपती निवडणुकीत विजय निश्चित मानला जात होता. नेपाळच्या दक्षिण तराई क्षेत्रात मधेशी समुदायाच्या लोकांची संख्या आहे. भारतीय वंशाच्या लोकांना नेपाळमध्ये मधेशी संबोधिण्यात येते.