ऑनलाईन टीम / मुंबई :
भारतीय रिझर्व्ह बँकेच्या पतधोरण समितीच्या घोषणेनंतर आज शेअर बाजार आठवड्यातील तिसऱ्या व्यापारी दिवशीही हिरव्या रंगावर बंद झाला. मुंबई शेअर बाजाराचा सेन्सेक्स ४६०.३७ अंकांनी म्हणजेच ०.९४ टक्क्यांनी वधारून ४९६६१.७६ वर बंद झाला. तर राष्ट्रीय शेअर बाजाराचा निफ्टी १३५.५५ अंकांनी म्हणजेच ०.९२ टक्क्यांनी वाढून १४८१९.०५ वर बंद झाला.
सुरुवातीच्या व्यवहारात सेन्सेक्स १२५.५५ अंकांनी वधारून ४९,३२६.९४ वर आणि निफ्टी २७.५० अंकांनी वधारून १४,७११.०० वर वाटचाल करत होता.
दरम्यान, सेन्सेक्स मंगळवारी ४२.०७ अंकांनी म्हणजेच ०.०९ टक्क्यांनी वधारून ४९२०१.३९ वर बंद झाला होता. निफ्टी ४५.७० अंकांनी म्हणजेच ०.३१ टक्क्यांनी वधारून १४६८३.५० वर बंद झाला होता.