वृत्तसंस्था/ नवी दिल्ली
रियलमीने आपला नवा जीटी नीओ 3 टी स्मार्टफोन नुकताच लाँच केला असून 29 हजार रुपयांच्या पुढे याची किंमत असणार आहे.
सदरचा फोन तीन प्रकारात सादर करण्यात आला असून डॅश यलो, ड्रिफ्टींग व्हाइट व शॅडो ब्लॅक या रंगात तो येणार आहे. 6 जीबी रॅम ते 256 जीबीपर्यंत अंतर्गत स्टोरेजसह सदरचे फोन कंपनीने दाखल केले असून एकदा चार्ज केल्यावर 88 तासापर्यंत म्युझिकचा आनंद या फोनवर घेता येणार असल्याचे समजते.
येत्या 23 सप्टेंबरपासून ऑनलाइन व ऑफलाइन विक्रीकरीता नवा फोन उपलब्ध होणार आहे. 6 जीबी रॅम, 128 जीबी स्टोरेजच्या फोनची किंमत 29 हजार 999 रुपये तर 8 जीबी रॅम, 128 जीबी स्टोरेजसह येणाऱया फोनची किंमत 31 हजार 999 रुपये असेल. 8 जीबी रॅम व 256 जीबी स्टोरेजचा फोन सुमारे 34 हजार रुपयांना उपलब्ध होणार आहे. यासोबत 64 मेगापिक्सल प्रायमरी, 8 मेगापिक्सल अल्ट्रा वाइड कॅमेरा फोनमध्ये असेल.
इतर वैशिष्टय़े
w 6.62 इंचाचा फुल एचडी प्लस
w 5 जीबीपर्यंत रॅम वाढवता येणार
w क्वॉलकॉम स्नॅपड्रगन 870 प्रोसेसर
w 80 डब्ल्यूचा सुपर डार्ट चार्जर
w 5000 एमएएचची लिथीयम आयन बॅटरी
w 29 तास कॉलिंग व 26 तासाची व्हिडीयो प्लेबॅकची सुविधा