ओटवणे /प्रतिनिधी-
सांगेली येथील माध्यमिक विद्यालय आणि कनिष्ठ महाविद्यालयाचा शालांत प्रमाणपत्र परीक्षेचा निकाल १०० टक्के लागला. या परीक्षेला बसलेले सर्व ४१ विद्यार्थी उत्तीर्ण झाले. या शाळेतून प्रथम क्रमांक ईशा रामनाथ सांगेलकर ९४.४० % (५०० पैकी ४७२ गुण) द्वितीय क्रमांक ऐश्वर्या प्रमोद परब ९३.४० % (५०० पैकी ४६७ गुण) तृतीय क्रमांक सरिता मालू डोईफोडे ८८.६० % (५०० पैकी ४४० गुण) या विद्यार्थ्यांनी पटकाविला. तर विशेष श्रेणीत १९ विद्यार्थी प्रथम श्रेणीत २० विद्यार्थी तर द्वितीय श्रेणीत २ विद्यार्थी उत्तीर्ण झाले. यशस्वी विद्यार्थ्यांचे संस्थेचे अध्यक्ष पंढरीनाथ पुनाजी राऊळ, सचिव विश्वनाथ राऊळ, प्राचार्य रामचंद्र घावरे यांनी अभिनंदन केले आहे.