सलमान खानचा चित्रपट
सलमान खानचा ‘नो एंट्री 2’ हा चित्रपट लवकरच येणार आहे. या चित्रपटात आता दक्षिणेतील आघाडीची अभिनेत्री दिसून येणार असल्याचे मानले जात आहे. सलमानच्या या चित्रपटात 10 नायिका असणार आहेत. या चित्रपटाचे नाव ‘नो एंट्री में एंट्री’ ठेवण्यात आले असून यात सलमान खानसह अनिल कपूर आणि फरदीन खान दिसून येईल. तर नायिकांमध्ये समांथा रुथ प्रभू सामील असल्याचे समजते.
या चित्रपटात समांथा, रश्मिका मंदानासह पूजा हेगडे, तमन्ना भाटिया यांचा समावेश असेल अशी चर्चा आहे. परंतु या अभिनेत्रींबद्दल कुठल्याही प्रकारची अधिकृत पुष्टी मिळालेली नाही.
मूळ चित्रपटात दिसून आलेल्या बिपाशा बसू, लारा दत्ता, ईशा देओल आणि सेलिना जेटली या अनीस बझ्मी यांच्या ‘नो एंट्री में एंट्री’चा हिस्सा नसणार असल्याची चर्चा आहे. चित्रपटाचे चित्रिकरण लवकरच सुरू होणार असल्याचे बोलले जात आहे. या चित्रपटाची पटकथा पूर्ण झाली असून सलमान खानला ती आवडली असल्याचा दावा अनीस बझ्मी यांनी केला आहे.