सांगली : प्रतिनिधी
म्हैसाळ येथील डॉ. माणिक वनमोरे व पोपट वनमोरे यांच्या परीवाराने विष प्राशन करून सामुहिक आत्महत्या केली ही बाब गंभीर असून या प्रकरणातील आरोपीवर कठोर कारवाई करण्याची मागणी ग्रह विभागाला करणार असल्याचे केद्रिय सामाजिक न्याय राज्य मंत्री रामदास आठवले यांनी सांगितले. त्यांनी म्हैसाळ येथे सामुहिक आत्महत्या केलेल्या वनमोरे कुंटुबांची भेट घेऊन सात्वंन केले. त्यावेळी शोकसभेत ते बोलत होते. त्यांनी घटनास्थळांळाची पाहणी केली. या संपूर्ण घटनेची माहिती सांगलीचे जिल्हा पोलीस प्रमुख दिक्षित गेंडाम व मिरजेचे पोलीस उपविभागीय अधिकारी अशोक विरकर यांनी रामदास आठवले यांना दिली.
शोकसभेत बोलताना रामदास आठवले म्हणाले…म्हैसाळ गावामध्ये खाजगी सावकारी वाढली आहे. वनमोरे कुंटुबीयांनी कष्टातून संसार उभा केला होता. या आत्महत्याच्या पाठीमागे नेमके काय कारण आहे यांचा तपास पोलीस करत आहेत. वनमोरे कुटुंबीयांनी ज्यांनी ज्यांनी त्रास दिला त्या सर्वांची नावे सुसाईड नोट मध्ये पोलीसांना मिळून आली आहेत. पोलीसांनी सुसाईड नोट सापडल्याची चर्चा न करता त्या आरोपींना पकडले आहे. माझ्या विभागाच्या वतीने जितकी मदत करता येईल ती वनमोरे कुटुंबीयाना करणार असल्याचे केंद्रीय सामाजिक न्याय राज्यमंत्री रामदास आठवले यांनी सांगितले.