वृत्तसंस्था /नवी दिल्ली
जगातील दिग्गज स्मार्टफोन्ससह इलेक्टॉनिक उत्पादने घेणारी कंपनी सॅमसंग ही भारतामध्ये सप्टेंबरपासून आपल्या प्रीमियम गॅलेक्सी जेड फोल्ड 4 या स्मार्टफोन्सची विक्री सुरु करण्याची योजना आखत आहे, अशी माहिती कंपनीच्या सूत्रांनी यावेळी दिली आहे.
सदरचा स्मार्टफोन हा जागतिक पातळीच्या तुलनेत देशामध्ये कंपनीचा सर्वात महागडा हॅण्डसेट म्हणून ओळखला जाणार आहे. या स्मार्टफोनची किमत ही 1,799 डॉलर(1.42 लाख रुपये) इतकी राहणार आहे. ग्राहकांना रुपयाच्या किमतीत घसरण आणि उच्च करामुळे अधिकची रक्कम द्यावी लागणार आहे. सॅमसंग गॅलेक्सी फोल्ड 3 ला भारतामध्ये 1.49 लाख रुपये ते 1.57 लाख रुपये किमतीपर्यंत मर्यादा निश्चित केली होती.