कर्नाटकच्या चौघांचे कृत्य : संभाजी कोल्ड स्टोअरेज मालकाची फसवणूक : चौघांच्या टोळीविरोधात गुन्हा
कुपवाड / प्रतिनिधी
सुरूवातीच्या व्यवहारात विश्वास संपादन करून नंतरच्या व्यवहारात तब्बल ८१ लाख ७३ हजार ४९७ रुपयांचा ३३ टन ३३४ किलो वजनाचा बेदाणा ट्रकमध्ये भरुन पैसे न देताच पसार केल्याचा खळबळजनक प्रकार सावळीत उघडकीस आला आहे. कर्नाटकच्या चौघांनी हे कृत्य केले असून यात सावळी येथील संभाजी कोल्ड स्टोअरेज मालकाची फसवणूक झाली आहे.
याबाबत कुपवाड पोलिसांत नोंद झाली असून पोलिसांनी कर्नाटक राज्यातील चौघांच्या टोळीविरोधात गुन्हा दाखल केला आहे. यामध्ये संशयित किर्ती प्रकाश वालकी, विवेक उर्फ प्रकाश वालकी, नितेश वालकी, उमेश (पूर्ण नाव नाही) सर्व रा.मंजुनाथनगर, तुमकुर कर्नाटक) अशी गुन्हे दाखल झालेल्यांची नावे आहेत. त्यांच्या विरोधात संभाजीराजे कोल्ड स्टोअरेजचे व्यवस्थापक अनिल मधुकर पाटील (रा.अष्टविनायकनगर, सांगली) यांनी फिर्याद दिली आहे.