सागंली प्रतिनिधी
सांगली शहरात जोरदार वाऱ्यासह पावसाची दमदार एन्ट्री झाली आहे. सकाळपासून उकाड्याचे वातावरण होते. हवामान खात्याने अंदाज वर्तवल्या प्रमाणे मान्सून केरळमध्ये दाखल झाल्यानंतर आज सांगली मध्ये ५:३० च्या सुमाराला पावसाने दमदार एंट्री केली.
सांगलीतील स्टेशन चौक, मारुती चौक आणि विस्तारित भागांमध्ये पावसामुळे पाणी साठवून राहिले नागरिकांना या पाण्यातून मार्गक्रमण करावे लागले यामुळे नागरिकांची चांगलीच तारांबळ उडाली.
सांगली जिल्ह्यात गेल्या 24 तासात सरासरी 1.2 मि.मी. पावसाची नोंद झाली असून मिरज तालुक्यात सर्वाधिक 6 मी.मी. पावसाची नोंद झाली आहे. जिल्ह्यात गेल्या 24 तासात पडलेला पाऊस व कंसात 1 जून पासून आत्तापर्यंत पडलेल्या पावसाची आकडेवारी मि. मी. मध्ये नोंदवण्यात आली. यामध्ये मिरज 6 (7.1), जत 0.4 (23.8), खानापूर-विटा 0.0 (3.3), वाळवा-इस्लामपूर 0.0 (0.9), तासगाव 0.4 (1.3), शिराळा 0.0 (0.3), आटपाडी 0.0 (5.5), कवठेमहांकाळ 0.0 (7.6), पलूस 0.0 (0.१), कडेगाव 0.0 (5.6) पाऊस झाला आहे.