कोकरूड : प्रतिनिधी
माणिकवाडी ता.वाळवा येथील विवाहिता हर्षदा सागर आटकेकर वय – 22 हिने सासरच्या छळास कंटाळून विषारी औषध पिऊन आत्महत्या केली असून वडील नामदेव रामचंद्र शिंदे रा. मांगरूळ यांनी कोकरूड पोलिसांत तक्रार दाखल केली आहे.
पोलिसांकडून मिळालेली माहिती अशी की, मांगरूळ येथील नामदेव रामचंद्र शिंदे यांच्या हर्षदा या मुलीचा विवाह माणिकवाडी ता.वाळवा येथील सागर जगन्नाथ आटकेकर याच्याशी झाला होता. पती सागर जगन्नाथ आटकेकर, सासू कमल जगन्नाथ आटकेकर, जयदीप जगन्नाथ आटकेकर (रा.माणिकवाडी) नणंद सोनाली (रा.केदारवाडी ) यांनी हर्षदा आटकेकरचा मानसिक, शारीरिक छळ सुरु केला होता तर पती सागर तिच्या चारित्र्यावर संशय घेत होता. सागर आटकेकरचे एका मुलीशी प्रेम संबंध असल्याचे तिला समजले होते. त्यामुळे तिने वाईट वाटून घेऊन विषारी औषध प्राशन केले. दवाखान्यात तिच्यावर उपचार सुरु असताना तिचा मृत्यू झाला.
याबाबत तिच्या वडिलांनी पती सागर जगन्नाथ आटकेकर, सासू कमल जगन्नाथ आटकेकर, जयदीप जगन्नाथ आटकेकर (रा.माणिकवाडी) नणंद सोनाली (रा.केदारवाडी ) या चोघांच्या विरोधात कोकरूड पोलीस ठाण्यात तक्रार दाखल केली आहे.अधीक तपास सपोनि ज्ञानदेव वाघ करीत आहेत.