Tarun Bharat

‘या’ आमदारांनी शिवसेना उमेदवाराला मतदान केलं नाही; संजय राऊतांनी जाहीर केली नावे

Advertisements

ऑनलाईन टीम/तरुण भारत

दिवसभरातील नाट्यमय घडामोडीनंतर राज्यसभेच्या ६ जागांचा निकाल हाती आला. यामध्ये शिवसेनेचे उमेदवार संजय पवार (sanjy pawar) यांना पराभव पत्करावा लागला. यावर बोलताना शिवसेना खासदार संजय राऊत (sanjay raut) यांनी थेट प्रतिक्रिया देत महाविकास आघाडीला मतं न देणाऱ्यांची नावं जाहीर केली आहेत. आमच्या मित्रपक्षांनी आमच्याशी दगाबाजी केली नाही. घोडेबाजार उभे होते त्यांची सहा सात मतं आम्हाला मिळाली नाहीत. आम्ही कोणत्या व्यवहारात पडलो नाही. आणि कुठला व्यापार केला नाही. तरीही संजय पवार यांना पहिल्या पसंतीची ३३ मतं मिळाली. हा सुद्धा आमचा एक विजय आहे. ज्या कुणी शब्द देऊन दगाबाजी केली त्यांची यादी आमच्याकडे आहे, असे संजय राऊत म्हणाले.

बाजारातले घोडे जास्त बोली लागल्यानं विकले गेले
काही जे बाजारातले नेहमीचे घोडे असतात, ते घोडे विकले गेले. ते घोडे बाजारात होते. जास्त बोली लागली, असं मला वाटतंय. इतर काही कारणं असतील. त्यामुळेच आमची साधारण सहा एक मतं होती, अपक्षांची ती आम्हाला मिळाली नाहीत. ते कोणाचेच नसतात, असं म्हणत शिवसेनेचे खासदार संजय राऊतांनी अपक्ष आमदारांवर जोरदार हल्ला चढवलाय. संजय राऊतांनी माध्यमांच्या प्रतिनिधींशी संवाद साधलाय, त्यावेळी ते बोलत होते.

बविआ आणि अपक्ष आमदारांनी मतदान केलं नाही
सहाव्या उमेदवारासाठी शिवसेनेनं जोरदार प्रयत्न केले असले, तरी महाविकास आघाडीकडच्या काही अपक्षांची मतं फुटली आणि शिवसेनेचे संजय पवार यांना पराभवाचा धक्का सहन करावा लागला. शिवसेना नेते संजय पवार यांनी तर शिवसेनंच्या उमेदवाराला मतदान न करणाऱ्या अपक्ष आमदारांची नावे जाहीर केली आहेत. बहुजन विकास आघाडीचे तीन आमदारांची तीन मतं आम्हाला मिळाली नाहीत. करमाळ्याचे आमदार संजय मामा शिंदे, लोह्याचे आमदार शामसुंदर शिंदे आणि स्वाभिमानीचे आमदार देवेंद्र भुयार यांनी मतं दिली नाहीत, असं संजय राऊत यांनी सांगितलं.

अधिक वाचा: शिवसेनेच्या पराभवावर संभाजीराजेंचा तुकोबांच्या अभंगातून टोला

संजय राऊत यांनी या निवडणुकीत भाजपाने घोडेबाजार करत निवडणूक जिंकल्याचा आरोप केला आहे. मुंबईत माध्यमांशी बोलताना संजय राऊत शिवसेनेच्या उमेदवारला मतदान न केलेल्यांची नवे घेतली. यामध्ये बहुजन विकास आघाडीसह अपक्ष आमदार देवेंद्र भुयार, संजय शिंदे आणि शामसुंदर शिंदे यांच्या नावांचा समावेश आहे.

Related Stories

पक्षप्रमुख ठाकरेंनी आदेश दिल्यास शिवसेना स्वबळावर लढू शकते

Patil_p

कृष्णा-पंचगंगा नद्यांच्या पाणी पातळीत सहा फुटाने वाढ

Archana Banage

पाच तालुक्यात एकही नवीन रुग्ण नाही

Patil_p

विधानसभेत मोदींची नक्कल; भाजप आक्रमक

datta jadhav

ग्रामपंचायतीच्या निवडणूकांना स्थगिती

Patil_p

ट्रॅक्टरचे स्टेअरींग हाती घेत नगरसेविकेने केली औषध फवारणी

Archana Banage
error: Content is protected !!