चेन्नई : येथील जवाहरलाल नेहरु इनडोअर स्टेडियममध्ये सुरू असलेल्या 2024 च्या अल्टिमेट सांघिक टेबल टेनिस स्पर्धेत (युटीटी) जी. साथियानच्या दर्जेदार कामगिरीच्या जोरावर दबंग दिल्ली संघाने अॅथलिड गोवा चॅलेंजर्सचा 9-6 अशा फरकाने पराभव केला. या स्पर्धेतील दबंग दिल्लीचा हा पहिला विजय आहे. या लढतीमध्ये पहिल्या सामन्यात दबंग दिल्लीचा कर्णधार साथियानने अॅथलिड गोवा चॅलेंजर्स संघातील मिहाई बोबोसियाचा 8-11, 11-9, 11-9 असा 2-1 अशा गेमस्मध्ये पराभव केला. दुसऱ्या सामन्यात दबंग दिल्लीच्या ओरावेन प्रेनांगने गोव्याच्या लियुचा 2-1 अशा गेम्समध्ये (11-7, 11-10, 6-11) पराभव करत आपल्या संघाची आघाडी वाढविली. त्यानंतर दुहेरीच्या सामन्यात साथियान आणि प्रणांग या जोडीने अॅथलिड गोवा चॅलेंजर्सच्या हरमित आणि लियु यांचा 2-1 अशा गेम्समध्ये (11-7, 11-4, 7-11) असा पराभव केला. चौथ्या एकेरी सामन्यात दिल्ली दबंगच्या अॅन्ड्रेस लिव्हेंकोला हरमित देसाईकडून 1-2 अशा गेम्समध्ये (11-7, 8-11, 9-11), दिया चितळेने यशस्वी घोरपडेवर 2-1 अशा गेम्समध्ये (11-10, 11-6, 3-11) असा पराभव केला.
Previous Articleआजचे भविष्य ३० ऑगस्ट २०२४
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.