बेळगाव : पंजाब येथील पंचकुला व पतियाळा येथे जागतिक स्केटिंग स्पर्धेसाठी रोलर स्केटींग फेडरेशन ऑफ इंडियाने बेळगावच्या 3 स्केटिंगपटूंची निवड झाली आहे.
पंजाब येथे होणाऱया जागतिक स्केटिंग स्पर्धेच्या निवड चाचणीसाठी बेळगावच्या मंजुनाथ मंडोळकर, यशपाल पुरोहित व भक्ती हिंडलगेकर या तिघांची इनलाईन हॉकीसाठी निवड करण्यात आली आहे. गोवावेस येथील मनपा रोटरी जलतरण समोरील स्केटींग सभागृहात आयोजित एका कार्यक्रमात या तिघांसह सूर्यकांत हिंडलगेकर, विनोद बामणे, बसवराज कोरीशेट्टी, चोकसिंग पुरोहित, श्रीकांत मेंडके, श्रीमती मेंडके, लिना कोरिशेट्टी, अमित मुगळी, महेश पुरोहित, देवराज पुरोहित, दिनेश पुरोहित, किंजल पुरोहित यांचाही सत्कार करण्यात आला. निवड झालेले स्केटिंगपटू लिंगराज स्केटींग, मनपा स्केटींग, गुडशेफर्ड स्केटींग रिंकवर सराव करीत असून त्यांना स्केटींग प्रशिक्षक सूर्यकांत हिंडलगेकर, विशाल वेसणे यांचे मार्गदर्शन लाभत आहे.