वृत्तसंस्था/ ढाक्का
बांगलादेश संघातील अष्टपैलू शकीब-अल-हसन कोरोना चाचणीत निगेटिव्ह ठरल्याने तो आता लंकेविरूद्ध होणाऱया पहिल्या कसोटीत खेळण्याची शक्यता आहे. ही पहिली कसोटी रविवार दि. 15 मे पासून सुरू होणार आहे.
शुक्रवारी शकीब-अल-हसनने चेतोग्राम येथे प्रयाण केले. लंकेविरूद्ध होणाऱया पहिल्या कसोटीसाठी शकीब हसनची तंदुरूस्ती चाचणी तसेच वैद्यकीय तपासणी केली जाईल, अशी माहिती या संघाचे प्रमुख प्रशिक्षक डॉम्निगो यांनी केली आहे. काही दिवसापूर्वी शकीबला कोरोनाची बाधा झाली होती. वैद्यकीय उपचार आणि विलगीकरणानंतर शकीब आता यावर मात करु शकला आहे. पहिल्या कसोटीसाठी बांगलादेश संघामध्ये शकीब अल हसन 11 मे रोजी दाखल होणार होता. पण, कोरोना चाचणीमुळे त्याला तीन दिवस उशिराने संघामध्ये दाखल व्हावे लागत आहे.