प्रतिनिधी /बेळगाव
लोकमान्य को-ऑप. सोसायटीच्या कॅम्प शाखेचे नव्या वास्तुत नुकतेच स्थलांतर करण्यात आले. कॅम्प परिसरातील चर्च स्ट्रीट भागात ही शाखा झाली असून ग्राहकांनी याचा जास्तीत जास्त लाभ घ्यावा, असे आवाहन करण्यात आले.
यानिमित्त सत्यनारायणाची पूजा आयोजित केली होती. यावेळी असंख्य ग्राहकांनी नव्या शाखेस भेट देऊन शुभेच्छा
दिल्या.
सोसायटीचे संचालक प्रभाकर पाटकर, पंढरी परब, गजानन धामणेकर, विठ्ठल प्रभू यांनीसुद्धा कार्यक्रमास उपस्थित राहून नव्या शाखेस व कर्मचाऱयांस पुढील वाटचालीसाठी शुभेच्छा दिल्या.
बेळगावचे रिजनल मॅनेजर मधुकर कुलकर्णी व असिस्टंट रिजनल मॅनेजर सी. आर. पाटील यांनी कार्यक्रमास उपस्थित राहून मार्गदर्शन केले.
कार्यक्रमप्रसंगी कॅम्प शाखेचे व्यवस्थापक गामा रोजारिओ, रोहन मेहंदळे व अंकिता चौगुले, अर्जुन पाटील, दिपाली भातकांडे आणि कर्मचारी उपस्थित होते. कार्यक्रमासाठी विनायक पाटील आणि परशराम पाटील यांनी विशेष परिश्रम घेतले.