नवी दिल्ली
केरळचे पत्रकार सिद्दिकी कप्पन यांच्या जामीन याचिकेवर सोमवार, 29 ऑगस्ट रोजी सर्वोच्च न्यायालयात सुनावणी होणार आहे. ‘युएपीए’ आणि हाथरस घटनेत सहभागी असल्याचा आरोप उत्तर प्रदेश सरकारने सिद्दिकी यांच्यावर केला होता. मुख्य न्यायमूर्ती उदय लळीत आणि न्यायमूर्ती रवींद्र भट यांच्या खंडपीठासमोर या प्रकरणाची सुनावणी होणार आहे. यापूर्वी 2 ऑगस्ट रोजी अलाहाबाद उच्च न्यायालयात कप्पन यांचा जामीन अर्ज फेटाळण्यात आला होता. त्यानंतर सिद्दिकी यांनी सर्वोच्च न्यायालयात याचिका दाखल केली होती.