वृत्तसंस्था/ हॅले (जर्मनी)
एटीपी टूरवरील येथे रविवारी झालेल्या हॅले ग्रासकोर्ट पुरुषांच्या आंतरराष्ट्रीय टेनिस स्पर्धेत इटलीचा टॉप सिडेड टेनिसपटू जेनिक सिनेरने एकेरीचे अजिंक्यपद पटकाविले. पुरुष एकेरीच्या अंतिम सामन्यात सिनेरने हुरकेजचा 7-6 (8-6), 7-6 (7-2) असा पराभव केला. एटीपीची ही 500 दर्जाची स्पर्धा असून 1973 नंतर ही स्पर्धा पदार्पणात जिंकणारा सिनेर हा 8 वा टेनिसपटू आहे. या अंतिम सामन्यात हुरकेजने सिनेरला कडवी झुंज देत दोन्ही सेट्स टायब्रेकरपर्यंत लाबविले.