नवी दिल्ली : संसद अधिवेशनादरम्यान राज्यसभेचे सत्र गुरुवारपासून सुरू झाले. केंद्रीय आरोग्यमंत्री जे. पी. नड्डा यांची राज्यसभेतील नेतेपदी नियुक्ती करण्यात आली असून त्यांनी आपला कार्यभार स्वीकारला. तसेच राज्यसभेतील सत्राच्या पहिल्याच दिवशी बिहार, झारखंड आणि मध्यप्रदेशातील सहा नवीन खासदारांनी शपथ घेतली. राज्यसभा सभापती जगदीप धनखड यांनी नवीन सदस्यांचे स्वागत केले. बिहारमधील काँग्रेसचे खासदार अखिलेश प्रसाद सिंह, झारखंडमधील जेएमएमचे खासदार सरफराज अहमद आणि भाजपचे प्रदीप कुमार वर्मा यांनी शपथ घेतली. भाजप नेते बनशालाल गुर्जर, माया नरोलिया आणि बालयोगी उमेशनाथ यांनीही वरिष्ठ सभागृहाचे सदस्य म्हणून शपथ घेतली. भाजप आणि काँग्रेसच्या सर्व सदस्यांनी हिंदीतून शपथ घेतली. दरम्यान, काँग्रेस खासदार शशी थरूर यांनी 18 व्या लोकसभेच्या सदस्यपदाची शपथ घेतली. ते तिऊअनंतपुरममधून निवडून आले आहेत. गुरुवारी त्यांनी संविधानाची प्रत घेऊन इंग्रजीतून शपथ घेताना ‘जय हिंद, जय संविधान’ असा समारोप केला.
Previous Articleलालकृष्ण अडवाणींना ‘एम्स’मधून डिस्चार्ज
Next Article अमेरिकेत आज होणार अध्यक्षीय निवडणूक डिबेट
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.