वृत्तसंस्था/ नवी दिल्ली
ओप्पो कंपनीने भारतामध्ये आपला नवीन स्मार्टफोन दाखल केला असून यामध्ये ओप्पो ए57(2022) हे मॉडेल सादर करण्यात आले आहे. सदरच्या स्मार्टफोनमध्ये 6.55 इंच डिस्प्ले, 13 मेगापिक्सलचा प्रायमरी कॅमेरा आणि मिडियाटेक जी3 5 प्रोसेसरचा समावेश आहे. हा फोन 33 डब्ल्यू फास्ट चार्जिंग आणि 5,000 एमएएच क्षमतेच्या बॅटरीसह मिळणार आहे.
ओप्पो ए57 ची किंमत
ओप्पो ए57 (2022) या स्मार्टफोनचे एकच मॉडेल आता सादर केले असून यामध्ये 4 जीबी रॅम आणि 64 जीबी स्टोरेजसोबत उपलब्ध होणार असून याची किंमत ही 13,999 इतकी राहणार असल्याची माहिती आहे.
सदरचा नवा कंपनीचा स्मार्टफोन दोन रंगामध्ये उपलब्ध होणार असून तो ग्लोइंग ग्रीन आणि ग्लोइंग ब्लॅकमध्ये ग्राहकांना खरेदी करता येणार आहे. याची खरेदी ही कंपनीच्या कार्यालयीन वेबसाईटवर करता येणार आहे.
स्मार्टफोनमधील फिचर्स
w ओप्पो ए57 मध्ये 6.56 इंचाचा डिस्प्ले
wनवीन स्मार्टफोनमध्ये बायोमॅट्रिक्ससाठी फिंगरप्रिंट व फेशियल रिकग्निशन सपोर्ट आहे.
wफोनचे इनबिल्ट स्टोरेज 1 टीबीपर्यंत वाढू शकते
wफोटोग्राफीसाठी डबल रियर कॅमेरा सेटअप
wस्मार्टफोन 15 मिनिटात पूर्ण चार्ज होणार असल्याचा दावा