मुंबई
हवाई क्षेत्रातील कंपनी स्पाइसजेटचे समभाग बुधवारी 4 टक्के इतके घसरलेले दिसले. मंगळवारी स्पाइसजेटने 80 पायलटना विनावेतन 3 महिने रजेवर जाण्यास सांगितल्याने समभागावर नकारात्मक परिणाम दिसला. स्पाइसजेटच्या समभागाचे भाव बुधवारी इंट्रा डे दरम्यान 4 टक्के घसरत 42 रुपयांपर्यंत आले होते. स्पाइसजेट 4 वर्षापासून नुकसानीत असून सध्याला 50 टक्केच विमाने प्रवासासाठी कंपनी वापरत असल्याचे समजते.