देवगड पोलीस ठाण्याच्यावतीने आयोजन–
देवगड / प्रतिनिधी–
हर घर तिरंगा अभियान अंतर्गत रविवारी सकाळी देवगड पोलीस ठाण्याच्यावतीने पुरुषांसाठी पाच किलोमीटर आणि महिलांसाठी अडीच किलोमीटर मिनी मॅरेथॉन स्पर्धा घेण्यात आली. तसेच चौदा वर्षावरील शालेय मुलांसाठी अडीच किलोमीटर मॅरेथॉन व ज्येष्ठ नागरिक यांच्यासाठी अडीच किलोमीटर चालण्याची स्पर्धा घेण्यात आली. सदरच्या स्पर्धेसाठी महाविद्यालयीन व विद्यालयीन मुले, नागरिक , व्यापारी, शिक्षक , पोलीस, होमगार्ड, सागर सुरक्षारक्षक दलाचे सदस्य , एमटीडीसी कर्मचारी, वैद्यकीय अधिकारी, उपस्थित होते. स्पर्धेचे उद्घाटन देवगड जामसांडे नगरपंचायतीचे मुख्याधिकारी श्री. गव्हाणे यांच्या हस्ते करण्यात आले. यावेळी पोलीस निरीक्षक निळकंठ बगळे उपस्थित होते सदर मॅरेथॉनच्या दरम्याने सर्व उपस्थितांना हर घर तिरंगा या उपक्रमाबाबत माहिती देण्यात आली.