नवी दिल्ली
चालू आर्थिक वर्षातील पहिल्या तिमाहीत भारतीय स्टार्टअप कंपन्यांकडून जमा करण्यात आलेल्या रक्कमेत 33 टक्क्यांची घसरण नोंदवण्यात आली असून घसरणीसह हा आकडा 6.9 अब्ज डॉलर्सच्या घरात पोहोचला असल्याचे पहावयास मिळत आहे. बाजारातील प्लॅटफॉर्म ट्रक्सनच्या एका अहवालानुसार एप्रिल ते जून तिमाहीत भारतीय स्टार्टअपनी 6.9 अब्ज डॉलर्सचा निधी उभारला आहे. जो जानेवारी ते मार्च या तिमाहीच्या दरम्यान 10.3 अब्ज डॉलरच्या तुलनेत 33 टक्के कमी राहिल्याची माहिती आहे. एप्रिल ते जून 2021 च्या तुलनेतील हा आकडा कमी असून एक वर्षातील अगोदरची समान कालावधीतील स्थिती पाहिल्यास भारतीय स्टार्टअपने 10.1 अब्ज डॉलर्स इतका निधी उभारला होता.