तासगाव खून प्रकरणांमध्ये संशयीत रविवारी सकाळी सव्वा सात वाजता पळाला
sangli- सांगली-तासगाव येथे जेसीबी चालकाचा खून करणारा संशयित सुनील ज्ञानेश्वर राठोड (रा. येळगोड ता. सिंदगी जि. विजापूर) हा रविवारी सकाळी सव्वासातच्या सुमारास जिल्हा कारागृहातून पळाला आहे. त्याबाबत कारागृह प्रशासनाने सांगली शहर पोलीस ठाण्यात तो पळून गेल्याची तक्रार दिली आहे.
याबाबतची अधिक माहिती अशी की, सुनील हा जेसीबी मालक हरी येडुपल पाटील रा. मंगसुळी यांच्याकडे चालक म्हणून काम करत होता. मालक हरी पाटील यांनी सुनील याची पत्नी पार्वती हिच्या अंगावर हात टाकला होता. त्यामुळे चिडून जावून सुनील आणि त्याच्या पत्नीने आठ जून २०२१ रोजी जेसीबी मालक हरी पाटील याचा निर्घुण खून करून हा मृतदेह विहिरीत टाकला होता. या प्रकरणांचा तपास तत्कालिन स्थानिक गुन्हा अन्वेषण पथकाने करून सुनील आणि त्याची पत्नी पार्वती हिला अटक केली होती. सुनील हा सांगली कारागृहात जेरबंद आहे. रविवारी सकाळी त्यांने कारागृहातून पळ काढला आहे. त्याला पकडण्यासाठी पोलीसांच्याकडून नाकाबंदी करण्यात आली आहे.