वृत्तसंस्था/ पॅरिस
अमेरिकेच्या सिडनी मॅक्लाफलिन लेव्हरोनने महिलांच्या 400 मी. हर्डल्सचे सुवर्णपदक पटकावताना नवा विश्वविक्रम नोंदवला. तिने 50.37 सेकंदाची नवी वेळ नोंदवली. नेदरलँड्सच्या अॅना कॉकरेलने रौप्य व फेम्के बोलने कांस्यपदक मिळविले.
स्वताचाच विक्रम मोडण्याची तिची ही आजवरची पाचवी वेळ आहे. या क्रीडा प्रकारात लागोपाठ दोनदा ही शर्यत जिंकण्याचा पराक्रम करणारी ती पहिलीच धावपटू आहे. या क्रीडा प्रकाराचा 1984 लॉस एंजेल्स ऑलिम्पिकमध्ये समावेश करण्यात आला होता. 7 ऑगस्टलाच लेव्हरोनने 25 वा वाढदिवस साजरा केला होता. ‘25 वा वाढदिवस अशा प्रकारे साजरा करण्याची संधी मला मिळाली, त्याबद्दल मी परमेश्वराचे आभार मानते,’ अशा भावना तिने नंतर व्यक्त केल्या.
रौप्य मिळविणाऱ्या कॉकरेलने 51.87 तर कांस्य मिळविणाऱ्या फेम्के बोलने 52.15 सेकंद वेळ नोंदवली.