बेळगाव : मारुती गल्ली, अनगोळ येथील एका देवस्थानची दानपेटी फोडण्यात आली आहे. सोमवारी सकाळी चोरीचा हा प्रकार उघडकीस आला आहे. टिळकवाडी पोलिसांना या घटनेची माहिती देण्यात आली असून गेल्या सहा महिन्यांत याच देवस्थानात झालेला चोरीचा हा तिसरा प्रकार आहे. श्रावण सोमवारनिमित्त सकाळी दर्शनासाठी गेलेल्या भाविकांना व पुजाऱ्यांना चोरीचा प्रकार लक्षात आला. शिवरात्रीनंतर तब्बल तीनवेळा याच मंदिरातील दानपेटी फोडण्यात आली आहे. वारंवार होणाऱ्या चोरीच्या प्रकारामुळे दानपेटीचे संरक्षण करण्यासाठी लोखंडी जाळी बसवून कुलूप लावण्यात आले होते. जाळीला लावलेले कुलूप तोडून चोरट्यांनी दानपेटी फोडली आहे. त्यामधील रक्कम पळविण्यात आली आहे. यापूर्वी बेळगाव शहर व तालुक्यातील अनेक मंदिरात चोरीच्या घटना घडल्या आहेत. दानपेटी फोडल्यामुळे भाविकांत खळबळ माजली आहे.
Previous Articleबलात्काऱ्यांना फाशी झाली पाहिजे!
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.