ऑनलाईन टीम / तरुण भारत :
शिंदे गटाने शिवसेनेची जुनी राष्ट्रीय कार्यकारिणी बरखास्त करत आज नवी कार्यकारिणी जाहीर केली. यामध्ये शिवसेना मुख्य नेते म्हणून मुख्यमंत्री एकनाथ शिंदे यांची निवड करण्यात आली आहे. प्रवक्तेपदी आमदार दीपक केसरकर, नेतेपदी रामदास कदम आणि आनंदराव अडसूळ यांची निवड करण्यात आली आहे. तर उपनेते म्हणून यशवंत जाधव, गुलाबराव पाटील, उदय सामंत, शरद पोंक्षे, तानाजी सावंत, विजय नहाटा आणि शिवाजीराव आढळराव-पाटील यांची नियुक्ती करण्यात आली आहे.
एकनाथ शिंदे यांच्या अध्यक्षतेखाली आज त्यांच्या गटाची हॉटेल ट्रायडंटमध्ये बैठक पार पडली. या बैठकीत ही नवी राष्ट्रीय कार्यकारिणी जाहीर करण्यात आली. यावेळी शिवसेनेचे 14 खासदारही उपस्थित होते. शिवसेनेचे एवढे खासदार शिंदे गटासोबत असतील तर ही संख्या दोन-तृतियांशपेक्षा जास्त आहे, त्यामुळे शिवसेनेला विधानसभेपाठोपाठ लोकसभेमध्येही धक्का बसण्याची शक्यता आहे.
शिवसेनाप्रमुखपद रिक्त
शिवसेनाप्रमुख किंवा शिवसेनापक्षप्रमुख या पदाबाबत मात्र, शिंदे गटाकडून कोणतीही छेडछाड करण्यात आलेली नाही. असं कोणतंही पद शिंदे गटाकडून तयार करण्यात आलं नाही.
हेही वाचा : RTE अंतर्गत 78 हजार विद्यार्थ्यांचा प्रवेश