मुंबई
आगामी 5 वर्षाच्या कालावधीत 5 जी सेवायुक्त मोबाइल वापरकर्त्यांची संख्या 50 कोटींवर पोहचण्याची शक्यता सांगितली जात आहे. एरिक्सन यांनी याबाबतचा अंदाज नुकताच वर्तवला आहे.
भारतात 5 जी वापरकर्त्यांची संख्या टक्केवारीत पाहता 39 टक्के इतकी राहणार आहे. येणाऱया काळात स्मार्टफोन खरेदीदारांच्या संख्येतही वाढ अपेक्षीत आहे. यात 5 जी सेवा युक्त मोबाइल्सची मागणी अधिक राहणार आहे. मोबाइल डाटा वापरण्यातही येणाऱया काळात वाढ होणार आहे. 4 जी सेवायुक्त मोबाइल्सचा भारतातील वाटा 68 टक्के इतका नोंदला गेला आहे. 2027 पर्यंत हा वाटा 55 टक्क्यापर्यंत घसरेल असेही सांगितले जात आहे. ऑगस्टमध्ये 5 जी सेवा सुरू होण्याची अपेक्षा असून 26 जुलैला स्पेक्ट्रमसाठी बोली लावली जाण्याची शक्यता आहे.