बेळगाव : शहरातील मोकाट जनावरांचा प्रश्न कायम असून यावर मनपाकडून कारवाई करण्यात आली असली तरी कोणताच फरक पडत नसल्याचे दिसून येत आहे. नागरिकांच्या सुरक्षेच्यादृष्टीने निर्माण करण्यात आलेल्या पदपथांवर मोकाट जनावरे ठाण मांडून आहेत तर बसथांब्यांमध्ये जनावरे बसून असल्याने प्रवाशांना थांब्याबाहेर उभे राहावे लागत आहे. मोकाट जनावरांमुळे शहरात अनेक समस्या निर्माण होत आहेत. रस्त्यांवर ठाण मांडल्याने वाहतूक कोंडी होत आहे. तर रस्त्यांवर व पदपथांवर सदर जनावरे बसत असल्याने पादचाऱ्यांना रस्त्यावरून ये-जा करावी लागत आहे. सध्या पावसाळा सुरू असल्याने मोकाट जनावरे ठिकठिकाणी असणाऱ्या बसथांब्यांमध्ये बसून आहेत. यामुळे शहरातील बस थांब्यांवरील प्रवाशांना थांब्याबाहेर उभे राहावे लागत आहे. ही समस्या अनेक दिवसांपासून कायम असून कायमस्वरुपी तोडगा निघणार का? असा प्रश्न प्रवाशांतून उपस्थित केला जात आहे.
Previous Articleसातबाऱ्याला आधार लिंकसाठी वर्दळ
Next Article मागासवर्गीयांवरील तक्रारींची त्वरित दखल घ्या
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.