वार्ताहर / नंदगड
मुडेवाडी ( ता. खानापूर )येथील लोहर प्राथमिक शाळेच्या इमारतीची भिंत पावसामुळे रविवारी रात्री जमीनदोस्त झाली. रात्र असल्याने इमारती मध्ये कोणी नसल्याने कोणाच्याही जीविताला धोका पोहोचला नाही.
मुडेवाडी खानापूर शहरापासून अवघ्या तीन किलोमीटरवर गाव आहे. ग्रामस्थांनी श्रमदानाने व देणगी रूपाने रक्कम जमवून 1964 साली शाळेची एक वर्गखोली व 1982 साली दुसरी खोली बांधली होती. आज पर्यंत गावकऱ्यांनी बांधलेल्या इमारतीतच पहिली ते पाचवी पर्यंतची शाळा सुरू होती. सध्या या शाळेत 22 विद्यार्थी शिक्षण घेत आहेत.
वरील पैकी शाळेच्या एका खोलीची भिंत रात्री जमीन दोस्त झाली. तर उर्वरित एक खोली ती ही नादुरुस्त अवस्थेत आहे. तीच्या चारी बाजूच्या भिंतींना भेगा पडल्या आहेत. तर छप्पर नाददुरुस्त झाले आहे. छप्परावर प्लास्टिकचा कागद घालून शाळा सुरू आहे. शासनातर्फे शाळेसाठी एकही वर्ग खोली बांधण्यात आलेली नाही.
शाळेसाठी एक स्वयंपाक खोली सरकारतर्फे बांधण्यात आली आहे. या खोलीचे बांधकाम ही नित्कृष्ट दर्जाचे राहिल्याने गळती निर्माण झाली आहे.
Trending
- मुख्यमंत्री प्रमोद सावंत यांच्यावर शुभेच्छांचा वर्षाव
- वृद्ध, दिव्यांग, अंध मतदारांची मते आजपासून पेटीबंद
- मारिहाळ पोलिसांनी आवळल्या दोघा मोटारसायकल चोरांच्या मुसक्या
- हलगा-मच्छे बायपासमधील शेतकऱ्यांच्या एकजुटीला खिंडार
- मुनवळ्ळी धर्मांतर प्रकरणातील उर्वरितांवरही कारवाई करा
- बारावी अनुत्तीर्णांसाठी दुसरी संधी
- उत्तर भारतीय प्रवाशांसाठी नैर्त्रुत्य रेल्वेची विशेष फेरी
- उष्म्यासह ढगाळ वातावरण पण पावसाची दडी