वृत्तसंस्था/ भोपाळ
मान्सून आता मध्यप्रदेशात मोठय़ा प्रमाणात बरसू लागला असून राजधानी भोपाळ येथे अवघ्या दोन तासात तीन इंच पाऊस पडल्यामुळे ढगफुटीसारखी स्थिती निर्माण झाली आहे. शहराच्या अनेक भागांचा संपर्क पाणी साचल्याने तुटला आहे. राजस्थानच्या सिकर, चुरू आणि अजमेर तसेच महाराष्ट्रात मुंबई येथे जोरदार वर्षा सुरू आहे. वीजपुरवठा काही तास बंद पडलेला होता. तो आता सुरू करण्यात आला आहे. असा पाऊस गेल्या दहा वर्षात झाला नव्हता. या पावसामुळे मोठी हानी झाली असून ती भरून निघण्यासाठी अनेक वर्षे लागू शकतात.