Satara News : वाठार किरोली जवळ साठेवाडी फाटा येथे वर्धन ऍग्रोकडे ऊस घेऊन जाणाऱ्या ट्रॅक्टरला अज्ञात टँकरने डॅश दिल्याने ट्रॅक्टरची टाकी फुटून अचानक पेट घेतला. यामध्ये ट्रॅक्टर चालक गंभीर जखमी झाला आहे. त्याला उपचाराकरिता सिव्हील हॉस्पिटलमध्ये दाखल करण्यात आले आहे. ट्रक्टरला लागलेल्या आगीत ट्रक्टर पूर्णपणे जळून खाक झाला आहे.
घटनेची माहिती कळताच माजी जिल्हा परिषद सदस्य व वर्धन ऍग्रो चे संचालक भिमराव पाटील यांनी घटनास्थळी धाव घेत ट्रॅक्टर चालकाला उपचाराकरिता रुग्णालयात दाखल केले.यावेळी त्यांच्यासोबत वाठार व साठेवाडी येथील ग्रामस्थ उपस्थित होते.
