वायव्य कर्नाटक पथ परिवहन उत्तर कन्नड विभागाच्यावतीने दोन दिवसांच्या टूर पॅकेजची घोषणा करण्यात आली आहे .
किनारपट्टीतील प्रेक्षणीय स्थळे पाहण्यासाठी या पॅकेजचा लाभ घेऊ शकता. शिरसी आणि कारवार येथून ही सेवा उपलब्ध आहे. दोन दिवसांच्या टूर पॅकेजला ‘किनारपट्टीतील मंदिरे आणि धर्मस्थळ दर्शन’ असे नाव देण्यात आले आहे. हा दौरा दर शनिवारी सुरू होईल.
शिरसी आणि कारवार येथील कोल्लूर-उडुपी-धर्मस्थळ-सुब्रह्मण्य या पर्यटनस्थळांसाठी ही विशेष पॅकेज टूर जाहीर करण्यात आली आहे. तिकिटे ऑनलाइन आणि ऑफलाइन देखील बुक करता येतात.
शिरसी-कोल्लूर-उडुपी-धर्मस्थळ- कुक्के सुब्रमण्य हे दोन दिवसांचे पॅकेज शनिवारी सुरू होईल. प्रौढांसाठी रुपये 800 आकारण्यात येईल. आणि मुलांसाठी (12 वर्षाखालील) 600 रु.आकारण्यात येईल. जेवण, नाश्ता, मंदिर प्रवेश शुल्क आणि पूजा खर्च वगळून ही किंमत निश्चित करण्यात आल्याचे स्पष्ट करण्यात आले आहे.