प्रतिनिधी /धारबांदोडा
कळसई-दाभाळ येथे दोन घरांवर फणसाची मोठी फांदी कोसळल्याने दोन्ही घरांचे मिळून साधारण रु. 40 हजारांचे नुकसान झाले. त्यापैकी शांताबाई गावकर या अत्यंत गरीब व एकटय़ाच राहणाऱया महिलेला या घटनेमुळे मोठा फटका बसला आहे. मंगळवारी पहाटे ही घटना घडली.
शांताबाई शांताराम गावकर हिच्या घराला लागूनच असलेल्या सुशांती गावकर यांच्याही घरावर फांदीचा काही भाग कोसळल्याने साधारण रु. 20 हजारांची हानी झाली. शांताबाई यांच्या घराच्या एका खोलीची बरीच नुकसानी झाली असून भर पावसात तिला आवराआवर करणे कठिण बनले आहे. कुडचडे अग्निशामक दलाच्या पथकाने घटनास्थळी येऊन घरावरील फांदी हटविली.