ऑनलाईन टीम / तरुण भारत :
शिंदे गटाने बंडखोरी करत शिवसेनेतील 40 आमदार गळाला लावले. त्यानंतर शिवसेनेत दोन गट पडले. शिंदे गटाकडे दोन तृतीआंशपेक्षा जास्त आमदार आहेत. उद्धव ठाकरे यांच्या गटातील आमदारांची संख्या आधीच कमी असून, आता त्यांच्या गटातील आणखी दोन आमदार शिंदे गटात सामील होणार असल्याचा गौप्यस्फोट मंत्री संदिपान भुमरे यांनी केला आहे.
भुमरे म्हणाले, उद्धव ठाकरे यांच्या गटातील दोन आमदार लवकरच बाहेर पडून शिंदेसेनेत येणार आहेत. शिवसेना सोडून मी शिंदे गटात सामील झालो. मी राज्यमंत्रिपद मागितले होते, पण मला कॅबिनेट मंत्रिपद देण्यात आले. शिंदेंबरोबर जाताना पद गेले तर काय होईल, याचा विचार मी केला नव्हता. उद्धव ठाकरे आता कुणालाही भेटण्यासाठी तयार आहे. पण अडीच वर्ष त्यांना आम्हाला भेटायला वेळ नव्हता’, अशी टीकाही त्यांनी केली.
अधिक वाचा : ठरलं! ‘या’ दिवशी काँग्रेसला मिळणार नवा अध्यक्ष
दरम्यान, आतापर्यंतच्या इतिहासातील शिंदे गटाची बंडखोरी ही सर्वात मोठी होती. या बंडखोरीमुळे राजकीय वातावरण ढवळून निघाले होते. शिंदे गटाने आधीच शिवसेनेचे 40 आमदार फोडले आता आणखी दोन आमदार फुटणार असल्याचा गौप्यस्फोट भुमरे यांनी केला. त्यामुळे हे दोन आमदार नेमके कोण? यावरुन आता राजकीय वर्तुळात चर्चांना उधाण आले आहे.