प्रतिनिधी /बेळगाव
आपल्या परसात गांजा पिकविणाऱया दोघा जणांना अटक करून त्यांच्याजवळून गांजाची चार झाडे जप्त केली आहेत. काकती पोलिसांनी सुळगा-हिंडलगा येथे शुक्रवारी ही कारवाई केली आहे.
परशराम भरमा नरोटी (वय 42), पिराजी वैजू नरोटी (वय 29, दोघेही रा. सुळगा-हिंडलगा) अशी अटक केलेल्या दोघांची नावे आहेत. काकतीचे पोलीस उपनिरीक्षक मंजुनाथ हुलकुंद व त्यांच्या सहकाऱयांनी ही कारवाई केली आहे.
परशराम राहात असलेल्या घराच्या परसात गांजाची चार झाडे पिकविली होती. याची माहिती मिळताच पोलिसांनी अचानक छापा टाकून 3 किलो 158 ग्रॅम गांजा जप्त केला. अटक करण्यात आलेल्या दोघा जणांवर अमलीपदार्थ प्रतिबंधक कायदा कलम 20 (ए), 20 (बी) अन्वये एफआयआर दाखल करण्यात आला आहे. पोलीस पुढील तपास करीत आहेत.