दिल्ली प्रतिनिधी :
दोन दिवसांपूर्वी युनिक आयडेंटिफिकेशन अथॉरिटी ऑफ इंडियाने (UIDAI) आधार कार्डबाबत इशारा दिला होता की आधार कार्ड धारकांनी आधारची छायाप्रत ओळखपत्र म्हणून फक्त UIDAI द्वारे परवाना मिळालेल्या संस्थेला दाखवावी, इतर कोठे ही दाखवू नये. त्यामुळे आधारचा गैरवापर होऊ शकतो.
मात्र ही अॅडव्हायजरी जारी होताच सोशल मीडियावर युजर्सनी प्राधिकरणाचा तीव्र निषेध करण्यास सुरुवात केली. यूआयडीएआयचे माजी अध्यक्ष आणि आयटी कंपनी इन्फोसिसचे सह-संस्थापक नंदन नीलेकणी यांना लोकांनी या इशाऱ्याबद्दल अनेक प्रश्न विचारले.
या आदेशाबद्धल सोशल मीडियाच्या माध्यमातून लोकांनी तीव्र निषेध व्यक्त केला. लोकांच्या या रोषामुळे प्राधिकरणावर हा आदेश मागे घेण्याची नामुष्की ओढवली आहे.