वृत्तसंस्था/ पल्लीकेली
अफगाणविरुद्ध बुधवारी येथे झालेल्या तिसऱया आणि शेवटच्या वनडे सामन्यात लंकेचा फिरकी गोलंदाज हसरंगा याच्याकडून मैदानावर बेशिस्त वर्तन घडले होते. हसरंगाने शिस्तपालन नियमाचा भंग केला. दरम्यान, हसरंगाला या गुन्हय़ाबाबत समज देऊन सोडण्यात आले.
या सामन्यात पंचांच्या निर्णयाविरुद्ध मैदानात हसरंगाकडून नाराजी व्यक्त करताना विक्षिप्त हावभाव नोंदविले गेले. आयसीसीच्या शिस्तपालन नियमाचा भंग झाल्याचे सामनाधिकाऱयांनी सांगितले. गेल्या दोन वर्षांच्या कालावधीतील हसरंगाकडून हा पहिलाच गुन्हा झाल्याने त्याला समज देऊन सोडण्यात आले.